កម្លាំងនគរបាលខណ្ឌសែនសុខសហការជាមួយកម្លាំងប៉ុស្តិ៍ឃាត់ខ្លួនជនសង្ស័យ ៤នាក់
22-December-2017 | ដោយ ពលមនសិការ
ភ្នំពេញ ៖ លោកវរសេនីយ៍ទោ ហួរ ម៉េងវ៉ាង អធិការខណ្ឌសែនសុខបានឲ្យដឹងថាកម្លាំងនគរបាលបានឃាត់ខ្លួនជនសង្ស័យ៤នាក់ ពាក់ព័ន្ធករណី៣ផ្សេងគ្នា។
ករណីទី១-កាលពីថ្ងៃទី២១ ខែធ្នូ ឆ្នាំ២០១៧ វេលាម៉ោង ២៣ និង៣០នាទី កម្លាំងប៉ុស្តិ៍រដ្ឋបាលភ្នំពេញថ្មីបានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីអំពើលួច(ប៉ុនប៉ងលួចយកទ្រព្យសម្បត្តិ) នៅចំណុចក្នុងការដ្ឋានសំណង់ ក្រុម៦ ផ្លូវ១០០៣ ភូមិពោងពាយ សង្កាត់ភ្នំពេញថ្មី ខណ្ឌសែនសុខ។
ជនសង្ស័យឈ្មោះ ឌី យ៉ា ភេទប្រុស អាយុ២៨ឆ្នាំ មុខរបរគ្មាន ស្នាក់នៅមិនពិតប្រាកដ (មានសារធាតុញៀនក្នុងទឹកនោម)។ ជនរងគ្រោ ឈ្មោះ ឆោ រីណា ភេទប្រុស អាយុ៣៥ឆ្នាំ មុខរបរនិស្សិត ស្នាក់នៅផ្ទះលេខ២១២កា ផ្លូវ១៩៤៦ ក្រុម៦ ភូមិទំនប់ សង្កាត់ភ្នំពេញថ្មី ខណ្ឌសែនសុខ ។
សមត្ថកិច្ចបានបន្តថាមុនពេលឃាត់ខ្លួនជនសង្ស័យខាងលើសមត្ថកិច្ចប៉ុស្តិ៍រដ្ឋបាលភ្នំពេញថ្មី បានទទួលព័ត៌មានពីប្រជាពលរដ្ឋថា នៅចំណុចខាងលើ មានជនសង្ស័យ បានធ្វើសកម្មភាពប៉ុនប៉ងលួចយកទ្រព្យ ក្រោយពីទទួលព័ត៌មាន សមត្ថកិច្ចយើងបានចុះដល់ចំណុចកើតហេតុ ធ្វើការឃាត់ខ្លួនជនសង្ស័យខាងលើយកមកធ្វើការសាកសួរ នៅអធិការដ្ឋាននគរបាលខណ្ឌសែនសុខ។
ករណីទី២-កាលពីថ្ងៃទី២១ ខែធ្នូ ឆ្នាំ២០១៧ វេលាម៉ោង២០និង៥០នាទី កម្លាំងប៉ុស្តិ៍រដ្ឋបាលគោកឃ្លាង បានធ្វើការឃាត់ខ្លួនជនសង្ស័យចំនួន០២នាក់ ករណីប្រើប្រាស់គ្រឿងញៀន នៅចំណុចតាមផ្លូវបេតុង ភូមិដំណាក់ សង្កាត់គោកឃ្លាង ខណ្ឌសែនសុខ។
ជនសង្ស័យចំនួន០២នាក់រួមមានទី១-ឈ្មោះ កែវ ណាឃីម ភេទប្រុស អាយុ១៨ឆ្នាំ មុខរបរគ្មាន ស្នាក់នៅភូមិពញាឮ ឃុំពញាឮ ស្រុកពញាឮ ខេត្តកណ្តាល។ ទី២-ឈ្មោះ រ៉ុង សុថា ភេទប្រុស អាយុ១៧ឆ្នាំ មុខរបរគ្មាន ស្នាក់នៅមិនពិតប្រាកដ ។
សម្ភារៈដកហូត ឧបករណ៍ប្រើប្រាស់គ្រឿងញៀន ចំនួន០១ឈុត។
សមត្ថកិច្ចបានបន្តថាមុនពេលឃាត់ខ្លួនជនសង្ស័យខាងលើ កម្លាំងល្បាតប៉ុស្តិ៍គោកឃ្លាង បានធ្វើការល្បាតក្នុងភូមិសាស្ត្រ ដល់ចំណុចកើតហេតុខាងលើ ឃើញជនសង្ស័យចំនួន ០២នាក់ កំពុងអង្គុយតាមផ្លូវ ដោយមានការសង្ស័យកម្លាំងល្បាតយើងបាន ហៅជនសង្ស័យឲ្យឈប់ធ្វើការត្រួតពិនិត្យលើដងខ្លួន រកឃើញវត្ថុតាងនៅជាប់ខ្លួនជនសង្ស័យ រួចនាំខ្លួនជនសង្ស័យយកមកធ្វើការសាកសួរ នៅអធិការដ្ឋាននគរបាលខណ្ឌសែនសុខ។
ករណីទី៣-កាលពីថ្ងៃទី២១ ឆ្នាំ២០១៧ វេលាម៉ោង២២ និង៣០នាទី កម្លាំងប៉ុស្តិ៍រដ្ឋបាលអូរបែកក្អម បានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីប្រើប្រាស់គ្រឿងញៀន នៅចំណុចតាមផ្លូវ២៧១ ភូមិត្រពាំងឈូកសង្កាត់អូរបែកក្កអម ខណ្ឌសែនសុខ ។
ជនសង្ស័យ ឈ្មោះ គាន លឹមឈុន ភេទប្រុស អាយុ១៨ឆ្នាំ មុខរបរគ្មាន ស្នាក់នៅភូមិថ្មគោល សង្កាត់កាកាប ខណ្ឌពោធិ៍សែនជ័យ។
សម្ភារៈដកហូតៈម៉ូតូចំនួនមួយគ្រឿង ម៉ាសេ១២៥ ពណ៌ខ្មៅ ផលិតឆ្នាំ២០០២ គ្មានស្លាកលេខ។
សមត្ថកិច្ចបានបន្តថាមុនពេលឃាត់ខ្លួនជនសង្ស័យខាងលើ កម្លាំងល្បាតប៉ុស្តិ៍អូរបែកក្អម បានធ្វើការល្បាតក្នុងភូមិសាស្ត្រ ដល់ចំណុចកើតហេតុខាងលើ ឃើញជនសង្ស័យម្នាក់ កំពុងជិះម៉ូតូមួយគ្រឿងតាមផ្លូវ ដោយមានការសង្ស័យកម្លាំងល្បាតយើងបាន ហៅជនសង្ស័យឲ្យឈប់ធ្វើការត្រួតពិនិត្យលើដងខ្លួន រួចនាំខ្លួនជនសង្ស័យយកមកធ្វើការសាកសួរ និងត្រួពិនិត្យទឹកនោមរកសារធារតុញៀន នៅអធិការដ្ឋាននគរបាលខណ្ឌសែនសុខ។
បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ8321
- ម្សិលមិញ10851
- សប្តាហ៍នេះ74841
- ខែនេះ189991
- ឆ្នាំនេះ189991
- សរុប20632447